მოკლედ: შსს-მ, ბოლო პერიოდში, თბილისსა და რეგიონებში უკანონო ცეცხლსასროლი იარაღი და საბრძოლო მასალა ამოიღო, დააკავა 14 პირი.

დეტალები: სამინისტრო წერს, რომ ბრალდებულების სახლების ჩხრეკისას ამოიღეს პისტოლეტები, ვაზნები, მჭიდები.

კახეთში დაკავებული ერთ-ერთი პირის სახლში კი მიაგნეს პისტოლეტს, 3 ავტომატურ ცეცხლსასროლ იარაღს, რევოლვერს, გადაჭრილ სანადირო თოფს, ხელყუმბარას, 8 მჭიდს, 730 ვაზნას და 17 დანას.

შსს-ს ცნობით, დანაშაული 3-დან 7 წლამდე ვადით თავისუფლების აღკვეთას ითვალისწინებს.