საქართველოს პრეზიდენტის შვილის, ანა მარგველაშვილის მეგობარი, მიხეილ თათარიშვილი თბილისის საქალაქო საქალაქო მოსამართლე გიორგი დარახველიძემ დღეს უდანაშაულოდ სცნო. მიხეილ თათარიშვილი 15 მარტს სურამში დააკავეს და მას სამართალდამცავები დიდი ოდენობით ნარკოტიკის შეძენა-შენახვას ედავებოდნენ.

"პოლიციამ უნდა გაიგოს, რომ ასე არ შეიძლება ადამიანს დააბრალო დანაშაული, რომელიც რვიდან უვადო პატიმრობას ითვალისწინებს. გადაცდომას რომ იძახიან, ეს შეიძლება მაგათთვის იყოს გადაცდომა, მაგრამ ჩაჯდნენ [ციხეში] ორი დღე და ნახონ, როგორია", - ასე შეხვდა გამამართლებელ განაჩენს მიხეილ თათარაშვილი.

თათარაშვილის ადვოკატის, ირმა ჭკადუას თქმით, თათარიშვილის საქმე უპრეცედენტოა:

"პირველივე წუთიდან ყველამ ვიცოდით, რომ მიხეილ თათარიშვილს ნარკოტიკული ნივთიერება არ ჰქონდა, ყველამ ვიცოდით, რომ ძალიან ბევრი პრობლემები არსებობდა და იმედს ვიტოვებ, რომ გიორგი დარახველიძის მსგავს გადაწყვეტილებას გამოიტანს ყველა ის მოსამართლე, რომელიც განიხილავს იდენტურ საქმეებს".