ყოფილის პრემიერიმინისტრის, ბიძინა ივანიშვილის შეფასებით, ნაციონალური მოძრაობა "ყველაზე დარაზმული" ოპოზიციური ძალაა და ეს არის ერთ-ერთი მიზეზი, რის გამოც ის ამ პარტიას ყველაზე ხშირად ახსენებს.

ივანიშვილმა 2030-ის ჟურნალისტის კითხვის პასუხად განაცხადა, რომ ის ქართული ოცნების მიღწევების აღსაწერად სჭირდება ნაციონალური მოძრაობის მმართველობასთან შედარება:

"მე არ ვარ დღეს ხელისუფლებაში, მაგრამ დღეს ხელისუფლებას მართავს ძალიან ბევრი ჩემო მოყვანილი, ჩემი გუნდის წევრი, ჩემი ხელწერის გამზიარებელი კვირიკაშვილის მეთაურობით და ვცდილობ ახლაც, ეს ხელწერა არ დაირღვეს. ნაციონალური მოძრაობის ხსენება გვიწევს მხოლოდ იმიტომ, რომ მათ ვედრებით ჩვენ".

ყოფილი პრემიერის თქმით, ამდენი საშუალებები არცერთ სხვა ოპოზიციურ ძალას არ აქვს, როგორც ნაციონალურ მოძრაობას:

"მმართველობის დროს მოახერხეს და დიდი ქონება მიიტაცეს. შესაბამისად, მიტაცებულით მართავენ დღეს მედიასაშუალებებს, აქტიურობენ ამ მხრივ, ბევრი მედია აქვთ და ამით გამოირჩევიან".

ბიძინა ივანიშვილის მოსაზრებით, ნაციონალური მოძრაობა არ იქნება ძირითადი ოპოზიციური ძალა და მათ გაუჭირდებათ ბარიერის გადალახვა.

მისივე თქმით, პრობლემა არ იქნება, თუ ნაცმოძრაობა ბარიერს გადალახავს და ასეთი "აგრესიული ყვირილი და ოპონირებაც საჭიროა".