რატომ არის მნიშვნელოვანი: ავიაკომპანიის საიტზე რეგისტრაციისას, ქვეყნის მითითებისას ასარჩევ ჩამონათვალში საქართველოს ოკუპირებული ტერიტორიები დამოუკიდებელ სახელმწიფოებად იყო შეყვანილი, რასაც 16 მაისს, სოციალურ ქსელში კრიტიკა მოჰყვა.

  • რუსულმა ავიაკომპანიამ საქართველოში ფრენების შესრულებისთვის აუცილებელი ნებართვა სამოქალაქო ავიაციის სააგენტოსგან მიიღო.
  • 2022 წლის მაისში აზიმუტი უკრაინამ დაასანქცირა, მიზეზი ომი იყო.
  • დოკუმენტში ნათქვამია, რომ კომპანია ოპერირებს რუსეთის მთავრობისთვის სტრატეგიული მნიშვნელობის სექტორებში.
  • "უზრუნველყოფს მაღალ მატერიალურ (ტრანსპორტი, ლოჯისტიკა და სხვა) მხარდაჭერას იმ ქმედებებისთვის, რომლებიც ძირს უთხრის ან საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას".

დეტალები: ამ დროისთვის აზიმუტის ვებგვერდზე აფხაზეთი და სამხრეთ ოსეთი ქვეყნების ჩამონათვალში აღარ იძებნება.

  • სამოქალაქო ავიაციის სააგენტოს ცნობით, რუსული ავიაკომპანია მოსკოვი-თბილისი-მოსკოვის მიმართულებით კვირაში 7 რეისს შეასრულებს.

გარდა ამისა, აზიმუტის ერთ-ერთი თანადამფუძნებელი, ვიტალი ვანცევი, ასევე, სანქცირებულია უკრაინის მიერ.

  • ვანცევი უკრაინაში ომის დაწყების შემდეგ, 2023 წლის 9 თებერვალს, ვლადიმერ პუტინმა ალექსანდრე ნევსკის ორდენით დააჯილდოვა — ის რუსეთის ერთ-ერთი დიდი, ვნუკოვოს საერთაშორისო აეროპორტის გამგეობის თავმჯდომარეცაა.