ლეგენდარული მსახიობი გლენ ქლოუზი მალე იმ მსახიობებს შეუერთდება, რომლებიც კინოეკრანიდან ტელევიზიაში გადავიდნენ და სხვადასხვა სერიალებში იღებენ მონაწილეობას.

Sea Oak ასე ჰქვია ამაზონის ახალ კომედიურ სერიალს, სადაც გლენი მთავარ როლს შეასრულებს.

სიუჟეტი ერთი ოჯახის გარშემო ვითარდება. ოჯახის ერთ-ერთი წევრი, დეიდა ბერნი ტრაგიკულად იღუპება, თუმცა ეს ყველაფრის დასასრული არ არის. დეიდა ბერნი მკვდრეთით აღდგება და გადაწყვეტს ოჯახს დაუბრუნდეს, საკუთარი ცხოვრება კი ისე წარმართოს, როგორც სულ ოცნებობდა.

სერიალის გადაღებები 2017 წლის სექტემბერში დაიწყება, თუმცა ჯერ-ჯერობით უცნობია როდის შედგება მისი პრემიერა.