ამის შესახებ საქართველოს პრეზიდენტმა პარლამენტში ისაუბრა.

რატომ არის მნიშვნელოვანი: საქართველო რუსეთისთვის დაწესებულ სანქციებს არ შეუერთდა.

  • რუსეთის უკრაინაში შეჭრის მეორე დღესვე პრემიერმინისტრმა, ირაკლი ღარიბაშვილმა თქვა, რომ "სანქციები არ არის ეფექტური საშუალება" და უკრაინაში რუსეთის "შემჩერებელი არავინ არის".

დეტალები: ზურაბიშვილის განცხადებით, უკრაინის მიმართ ვერც დიპლომატია გამოვიჩინეთ, ვერც გონიერება და ვერც ქვეყნისთვის შესაფერისი ისტორიული სოლიდარობა.

  • "დიახ, ჩვენ ვუერთდებით გაეროში რეზოლუციებს, თუმცა ყველა სხვა მორალური, პოლიტიკური სოლიდარობის გამოხატვას ვერიდებით, თუ ვემიჯნებით".
  • "25 თებერვალს, სრულიად უადგილო ადგილას, ვაცხადებთ, რომ სანქციებს არ ვუერთდებით, მაშინ, როდესაც პირიქითაა და შეგვიძლია, ვთქვათ, რომ ჩვენ ვერ და არ დავაწესებთ ჩვენს ეროვნულ სანქციებს, მაგრამ ვუერთდებით საერთშორისოს — მეტს არვიან არაფერს გვთხოვდა არც ჩვენ და არც მოლდოვას".
  • "იმ დროს, როცა მთელმა ევროპამ საჭიროდ მიიჩნია, გამიჯვნოდა ჩვენ გავუფრთხილდით მათ და არ შევუერთდით ევროკავშირის მიერ დაწესებულ შეზღუდვებს".

ზურაბიშვილმა ბელაურის პოზიციაზეც ისაუბრა და აღნიშნა, რომ ქვეყნის პრეზიდენტი, ლუკაშენკო საქართველოს არ გაუფრთხილდა.

  • "არ გაუფრთხილდა ჩვენს ტერიტორიულ მთლიანობას, დაარღვია ოკუპაციის კანონი და უღალატა არაღიარების პრინციპს — ახია ჩვენზე!"
  • მისი თქმით, ბოლო ორი წლის განმავლობაში შესამჩნევად ვუფრთხილდებით, რომ არ გავაღიზიანოთ რუსეთი, თუმცა გაუგებარი უწოდა იმას, რომ "იმავე ზრდილობითა და მოწიწებით არ ვუფრთხილდებით" ქვეყნის მეგობრებსა და პარტნიორებს.
  • "შედეგად დღეს გვაქვს დაზიანებული დიპლომატიური ურთიერთობები, პირველ რიგში, სწორედ იმ ევროპულ ქვეყნებთან, რომლებიც ტრადიციულად, ჩვენი მხარდაჭერით გამოირჩეოდნენ".
  • "ამ ბოლო ორი წლის რიტორიკით და ქმედებებით თქვენ წაშალეთ და შეუცვალეთ გეზი თქვენს 9 წლიან მმართველობას და გადაუხვიეთ თქვენი ხალხის და ამომრჩევლის ნებას და მანდატს".
  • მისი თქმით, სწორედ ამიტომ, საქართველომ ვერ მიიღო კანდიდატი ქვეყნის სტატუსი.