ოსკარის მფლობელი მსახიობი გვინეტ პელტროუ კინოდან მიდის.

ამის შესახებ მსახიობმა ABC-ის დილის გადაცემაში სტუმრად ყოფნის დროს ისაუბრა.

გვინეტ პელტროუმ თქვა, რომ ცხოვრების რადიკალური ცვლილებები სურს და ამიერიდან მთელ დროს მხოლოდ ბიზნესსა და ოჯახს დაუთმობს.

როგორც მსახიობი ამბობს, ის კინოზე უარის თქმას სამუდამოდ არ აპირებს, თუმცა ამ ეტაპზე ეკრანზე გამოჩენა აღარ სურს.

"ჯერ არ ვიცი რამდენი ხნით ვემშვიდობები მსახიობობას, ერთადერთი რაზეც ახლა კონცენტრირებული ვარ ჩემი ბიზნესია და მსურს მთელი დრო საკუთარი ბრენდის პოპულარიზაციას დავუთმო", ამბობს პელტროუ.