ქიბარ ხალვაშის ადვოკატი, პაატა სალია განმარტავს, რომ რუსთავი 2-ის საქმის მორიგ სასამართლო პროცესზე სასამართლოს ხალვაშის მხარის სააპელაციო საჩივარს წარუდგენენ:

"რაც შეეხებოდა დღევანდელ ჩემს საუბარს, რომელიც უნდა დავასრულო მომდევნო სხდომაზე, ამას რუსთავი 2-თან, როგორც მხარესთან, ასე ვთქვათ, პირდაპირი მიმართება არ ჰქონია. მე ვერ დავასრულე ჩემი შესაგებლის მოხსენება სასამართლოსთვის. ამის შემდეგ უკვე გადავალთ ჩემს აპელაციაზე, შემდეგ რუსთავი 2-ის შესაგაბელეზე და ამის შემდეგ იქნება მტკიცებულებათა გამოკვლევა".

თბილისის სააპელაციო სასამართლოში 7 ივნისს, 10:00 საათზე გაგრძელდება რუსთავი 2-ის საქმის განხილვა. მომდევნო პროცესზე თავის სიტყვას გააგრძელებს ქიბარ ხალვაშის ადვოკატი პაატა სალია. სალია დღეს რამდენიმე საათის განმავლობაში კითხულობდა სიტყვას, თუმცა, სამუშაო საათების დასრულების გამო, სხდომა შეწყდა.