რუსული პროპაგანდისტული მედიის, Tass-ის ცნობით, პაველ ანტოვი ქალაქ რაიაგადაში სასტუმროს ფანჯრიდან გადმოვარდა.

რატომ არის მნიშვნელოვანი: მილიონერი პოლიტიკოსი პარტიის — ერთიანი რუსეთის წევრი იყო, რომელსაც ადრე პუტინი ხელმძღვანელობდა.

  • ანტოვის სიკვდილი უერთდება სხვა რუსი მაგნატების აუხსნელი სიკვდილების სერიას, რომლებმაც რუსეთის უკრაინაში შეიჭრა გააკრიტიკეს.
  • სექტემბერში, რუსული ნავთობის გიგანტის, ლუკოილის ხელმძღვანელი რავილ მაგანოვი, მოსკოვის საავადმყოფოს ფანჯრიდან "გადმოვარდა".

დეტალები: ბიზნესმენი რაიაგადას ერთ-ერთ სასტუმროში 65 წლის იუბილეს აღნიშნავდა.

  • ანტოვის მეგობარი, ვლადიმერ ბუდანოვი წვეულებაზე გულის შეტევით გარდაიცვალა.
  • კოლკატაში რუსეთის კონსულმა განაცხადა, რომ პოლიციამ მოვლენებში კრიმინალური ელემენტი ვერ დაინახა.

ბიზნესმენი ხორცის გადამამუშავებელი ქარხნის დამფუძნებელი იყო და 2019 წელს Forbes-მა მისი ქონება $140 მილიონ დოლარად შეაფასა.

  • არსებული ინფორმაციით, ანტოვმა გააკრიტიკა კიევის შევჩენკოვსკის რაიონში საცხოვრებელი კორპუსის დაბომბვა, რის შედეგადაც ერთი კაცი დაიღუპა, ხოლო მისი ოჯახის წევრები მძიმედ დაშავდა.
  • "ძალიან რთულია ამ ყველაფერს რამე უწოდო, გარდა ტერორისა", — განთავსდა განცხადება ბიზნესმენის WhatsApp-ზე.
  • შეტყობინება მალევე წაიშალა და ანტოვმა განაცხადა, რომ ის პუტინისა და ომის მხარდამჭერია, Whatsapp-ზე გამოქვეყნებულ შეტყობინებას კი გაუგებრობა უწოდა.