ექსპერტის კომენტარს ფორმულა ავრცელებს.

რატომ არის მნიშვნელოვანი: დღეს, 22 დეკემბერს თბილისის საქალაქო სასამართლო სააკაშვილის სასჯელის გადავადებაზე ან მისგან სრულად გათავისუფლებაზე მსჯელობს.

  • პენიტენციურმა სამსახურმა ყოფილი პრეზიდენტის ჯანმრთელობის მდგომარეობაზე ექსპერტიზის ბიუროს მიერ 3 ალტერნატიული ექსპერტიზის ჩატარების შუამდგომლობა დააყენა, რასაც დაცვის მხარე არ დაეთანხმა.
  • ადვოკატის, შალვა ხაჭაპურიძის განცხადებით, ექსპერტი, ალექსანდრე გეჯაძე მითითებებს შსს-დან იღებს.

დეტალები: ხაჭაპურიძის თქმით, გეჯაძემ თავად უთხრა, რომ არ უნდა, სააკაშვილის საქმეზე გააკეთოს ის, რაც TV პირველის ოპერატორის, ლექსო ლაშქარავას შემთხვევაში გააკეთა: "დადო ის დასკვნა, რაც აწყობდა შინაგან საქმეთა სამინისტროს".

  • ხაჭაპურიძე ამბობს, რომ მას ამ საუბრის დამადასტურებელი ფარული ჩანაწერი აქვს.
  • "მოგვიწევს მაშინ, მოვისმინოთ ტელევიზიით, რა თქვა გეჯაძემ ბატონ სააკაშვილთან დაკავშირებით. ზედმეტ სახელად შეარქვა ჩიტი, ტელეფონზე დამირეკა, და ჩიტის საქმე როგორ არის, სიამოვნებით მივიღებდი მეც მაგ ჩიტის საქმეში [მონაწილეობას], კარგად გადამიხდიდნენ, ოღონდ უბედურება იმაშია, რომ დამირეკავს შსს და, რა თქმა უნდა, დავწერ იმას, რასაც მეტყვიან", — განაცხადა ადვოკატმა.

გეჯაძე ამბობს, რომ ხაჭაპურიძის ბრალდებებისთვის არ მოუსმენია და მის განცხადებას სისულელეს უწოდებს.

  • "მოვუსმენ, გავერკვევი და მივიღებ გადაწყვეტილებას, როგორ მოვიქცე", — ამბობს ექსპერტი.
  • "თუ აქვს ჩანაწერი, გამოაქვეყნოს", — თქვა მან.