გადაცემა ინტერVIEW-ში დასმულ შეკითხვას, როგორ ესახება ბიძინა ივანიშვილს ერთდროულად, დასავლური კურსით სვლა და რუსეთის ინტერესების გათვალისწინება, როგორც თავად ღია წერილში უწერია, ყოფილმა პრემიერმა უპასუხა, რომ აღნიშნული რთული პროცესია:

"ჩვენ აუცილებლად უნდა გავხდეთ ნატოს წევრი ქვეყანა, გავწევრიანდეთ ევროკავშირში. ამას დრო სჭირდება, ჩვენ მოთმინებით უნდა გავაგრძელოთ, გავამაგროთ და გავაღრმავოთ დემოკრატიული ინსტიტუტები, ავაყვაოთ ჩვენი ეკონომიკა და დაველოდოთ, როდესაც რუსეთიც გააცნობიერებს, ჩვენი პარტნიორი ქვეყნებიც დაინახავენ, რომ საქართველო გახდეს ნატოს თუ ევროკავშირის წევრი".

სალომე ასათიანის შეკითხვას, რას გულისხმობდა ბიძინა ივანიშვილი 2013 წელს, როდესაც ამბობდა, რომ რუსეთის ინტერესებში მავთულხმლართების გავლება არ შედის და როგორი დამოკიდებულება აქვს საკითხთან დაკავშირებით ახლა ივანიშვილს, მან უპასუხა:

"რეისები უნდა აღვადგინოთ, ვიზა უნდა გავაუქმოთ, სავაჭრო ურთიერთობებს ვაღრმავებთ. ჩვენი ძირითადი თემა, რაც გვაქვს რუსეთთან, ჩვენ უნდა დავიბრუნოთ ძმები, აფხაზები და ოსები, მათთან უნდა აღვადგინოთ ურთიერთობა. ამ პროცესებში მათი ფუნქცია, როგორი როლიც ითამაშა რუსეთმა არის ჩვენი ქვეყნის სტრატეგიული ინტერესის საწინააღმდეგო და ამის დათმობის გარეშე და ეს იქნება ჩვენთვის მომავალშიც პრნციპული, რომ მთლიანად რუსეთთან ურთიერთობა ვერ დალაგდება, სანამ ჩვენ ამ პროცესებს ვერ გადავწყვეტთ დადებითად. მიუხედავად ამისა, ჩვენ ბევრი პოზიტიური ნაბიჯი გადავდგით".