ევროპის უსაფრთხოებისა და თანამშრომლობის ორგანიზაცია (OSCE) დაკავებულების დაუყოვნებლივ გათავისუფლებას მოითხოვს.

რატომ არის მნიშვნელოვანი: ორივე მათგანი ეუთო-ს სპეციალურ სადამკვირვებლო მისიაში (SMM) მუშაობდა, რომელიც 2014 წელს მონიტორინგისთვის შეიქმნა.

  • Reuters-ის ცნობით, მისიამ მუშაობა შეწყვიტა. თუმცა ორგანიზაციის ოფიციალურ ვებგვერდზე გავრცელებულ განცხადებაში ისინი OSCE-ს თანამშრომლებად არიან მოხსენიებულები.
  • ისინი ლუგანსკის ოლქში აპრილში დააკავეს. ზაფხულში ე.წ. პროკურატურამ უცხოეთის სპეცსამსახურებისთვის საიდუმლო ინფორმაციის გადაცემაზე წაუყენა ბრალი.

დეტალები: ლუგანსკის სეპარატისტული რესპუბლიკის სასამართლომ უკრაინაში ეუთოს სპეციალური მისიის ორი წევრი ღალატის ბრალდებით გაასამართლა.

  • თვითგამოცხადებული რესპუბლიკის ე.წ. პროკურატურა აცხადებს, რომ მისიის წარმომადგენლები დაიქირავეს აშშ-ის ცენტრალური სადაზვერვო სააგენტომ (CIA) და უკრაინის საიდუმლო სამსახურებმა და ვაშინგტონს აწვდიდნენ ინფორმაციას ლუგანსკის სამხედრო პერსონალისა და აღჭურვილობის შესახებ.
  • ეუთო-ს მოქმედი თავმჯდომარე და გენერალური მდივანი გმობენ მისიის წევრების პატიმრობას და მათ გათავისუფლებას მოითხოვენ.

OSCE: ორგანიზაციის თავმჯდომარე აცხადებს, რომ მისიის წევრები ხუთ თვეზე მეტია გაუმართლებლად იმყოფებოდნენ გაურკვეველ პირობებში, მხოლოდ პოლიტიკური მოტივებით.

  • "ეს არის არაადამიანური და ამაზრზენი", — აცხადებს ის.