უკრაინის გენერალური შტაბი განცხადებით, პატიმრები უკრაინაში ქალაქ ტამბოვიდან გაგზავნეს.

რატომ არის მნიშვნელოვანი: გენშტაბი აღნიშნავს, რომ ადამიანური და მატერიალური რესურსების მნიშვნელოვანი დეფიციტის შესავსებად ოკუპანტები არასტანდარტულ გზებს იყენებენ.

  • უწყებაში ამბობენ, რომ პატიმრები სისხლის სამართლის დანაშაულისთვის იხდიდნენ სასჯელს.
  • გენშტაბის განცხადებით, კრასნოდარის მხარეში, "ავღანელი სამხედროების" საზოგადოებრივმა ორგანიზაციებმა მიიღეს დავალება, მოეგროვებინათ თანხა რეგიონული მოხალისეთა ბატალიონისთვის თბილი ტანსაცმლის შესაძენად.

სხვა ცნობები: ომის კვლევის (ISW) 15 სექტემბრის ანგარიშში ნათქვამია, რომ ვაგნერის დაჯგუფების ხელმძღვანელი ევგენი პრიგოჟინი "სტალინისებური მეთოდით" ომში პატიმრებს რთავს და ამით საყოველთაო მობილიზაციის გამოცხადებას ირიდებს.

  • გავრცელდა კადრები, სადაც როგორც უკრაინული მედია წერს, პრიგოჟინი პატიმრებს ესაუბრება.
  • ვიდეო Twitter-ზე kyiv Independent-ის ჟურნალისტმაც გამოაქვეყნა.