დამსჯელი მარველის ერთ-ერთი გამორჩეული პერსონაჟია, რომელ კომიქსების მოყვარულებში და არამარტო მათში, დიდი პოპულარობით სარგებლობს.

დამსჯელის პერსონაჟის ნამდვილი სახელი და გვარი ფრენკ კასლია, რომელიც კრიმინალთან ბრძოლაში კრიმინალურ მეთოდებს იყენებს. ის არ ერიდება მკვლელობას, მოტაცებასა და წამებას. მისთვის მიზანი ამართლებს საშუალებას. დამსჯელი კრიმინალის წინააღმდეგ ბრძოლას მას შემდეგ იწყებს, რაც დამნაშავეები მის ოჯახს ამოხოცავენ.

პერსონაჟის ისტორიას რამდენიმე ეკრანიზაცია აქვს, მომავალში კი Netflix-ზე სერიალსაც ვიხილავთ.

გთავაზობთ რამდენიმე საინტერესო ფაქტს მარველის ამ პერსონაჟის შესახებ:

დამსჯელი ადამიანი ობობას თავგადასავალში გამოჩნდა

დამსჯელი, პირველად, გასაოცარი ადამიანი ობობას თავგადასავლის 129-ე სერიაში, 1974 წელს გამოჩნდა. ამ პერსონაჟზე დაფუძნებული პირველი ინდივიდუალური კომიქსი 1986 წელს შეიქმნა, როდესაც ხუთი ისტორიისგან შექმნილი სერია შეზღუდული რაოდენობით გამოვიდა.

თომას ჯეინს დამსჯელის როლის შესრულება არ სურდა

თომას ჯეინს იქამდე არ ჰქონდა წაკითხული დამსჯელის კომიქსები, სანამ ფრენკ კასელის როლი არ მიიღო. არადა, თურმე მას ამ როლის შესრულება არ სურდა, რადგან როგორც თვითონ ამბობს, არ მოსწონს სუპერგმირები. საბოლოოდ, როგორც გაირკვა, ის მხოლოდ იმიტომ დათანხმდა ამ როლს, რომ ფრენკ კასლს არანაირი განსაკუთრებული და ირეალური სუპერ ძალა არ გააჩნია.

თომას ჯეინს დუბლიორი ფაქტობრივად არ დასჭირვებია.

მსახიობმა მთელი ფილმის განმავლობაში შესრულებული ყველა ილეთი თავად შეასრულა. გამომდინარე იქიდან, რომ ფილმის ბიუჯეტი საკმაოდ დაბალი იყო და გადაღებები ძალიან მოკლე დროის მანძილზე მიმდინარეობდა, ჯონათან ჰენსლი იძულებული იყო ილეთები პრაქტიკული ეფექტებით გადაეღო. ამგვარი შეზღუდვების გამო, თითოეული ილეთი დეტალურად და ფრთხილად უნდა ყოფილიყო შესრულებული. საბედნიეროდ, მსახიობი ყოჩაღი აღმოჩნდა. თომას ჯეინი ამ როლზე დამტკიცების შემდეგ ექვსი თვის განმავლობაში საგანგებოდ, მკაცრი რეჟიმით ემზადებოდა. ინტენსიური ფიზიკური ვარჯიშის ფონზე, ის ეუფლებოდა იაპონურ, ფილიპინურ და ებრაულ საბრძოლო ხელოვნებას.

თუ დამსჯელის ეკრანიზაცია ჯერ კიდევ არ გაქვთ ნანახი ან ნანახი გაქვთ და მეორედ, მესამედ ან მეასედ გინდათ მისი ნახვა, შაბათს, 20 მაისს, ჩაუჯექით დიდ მარველობას GDS-ზე.

17:00 დამსჯელი
19:20 მრბოლელი მოჩვენება
21:30 მრბოლელი მოჩვენება 2: შურისძიების სული