საქართველოს პარლამენტისა და საკონსტიტუციო კომისიის თავმჯდომარე, ირაკლი კობახიძე ამბობს, რომ შესაძლოა, გამგებელს მერი ეწოდოს. ამის შესახებ კობახიძემ გამგებლის ინსტიტუტზე საუბრისას განაცხადა.

"ხშირად იწვევს ეს ტერმინები აღრევას. ადამიანებს ჰგონიათ, რომ მერი სხვა რამეა და გამგებელი სხვა, სხვადსხვა კომპეტენციები აქვთ. ამ დროს ერთი და იგივე უფლებამოსილება აქვთ მერსაც და გამგებელსაც. უბრალოდ, ერთი არის ქალაქის ხელმძღვანელი და მეორე სათემო მუნიციპალიტეტის," - აღნიშნა კობახიძემ და განმარტა, რომ ცვლილება ტექნიკური სახისაა.