Robinhood (HOOD) საინვესტიციო პლატფორმაა, რომელმაც საკუთარი აქციებით ვაჭრობა 2021 წლის ივლისში დაიწყო. ამ პერიოდში კომპანიის ერთი აქციის ღირებულება 85 დოლარს გაუტოდა. ბაზრის ვარდნის ფონზე კომპანიის აქტივობა შენელდა, რის შედეგადაც მისი აქციის ფასი 7 დოლარს ჩამოსცდა.

ბოლო ტენდენციების მიხედვით, საცალო ვაჭრობით დაკავებული ინვესტორებისთვის საინტერესო აქციები ეცემა, რადგან მზარდი ინფლაცია და გამკაცრებული მონეტარული პოლიტიკა ზოგად ეკონომიკურ ფონზე უარყოფითად აისახება.

ანალიტიკოსების შეფასებით, ინვესტორთა დიდი ნაწილი ნაკლებად სარისკო აქტივებისკენ იხრება, რაც ბაზარზე არსებული მერყევი მდგომარეობით არის გამოწვეული. მზარდი კომპანიები, რომელთა მთავარი ხიბლი მოკლევადიან პერიოდში დიდი ზრდის პერსპექტივაა, საცალო ინვესტორებისთვის გარკვეული რისკების შემცველია.

ანალიტიკოსების შეფასებით, Robinhood-ს კვლავ აქვს პერსპექტივა გაიზარდოს. მათი თქმით, უკვე დროა მილენიალებმა აქტივების მენეჯმენტზე ფიქრი დაიწყონ, რამაც საინვესტიციო პლატფორმებზე მოთხოვნა უნდა გაზარდოს.

ამასთან, კომპანიის პერსპექტივების შეფასებისას გასათვალისწინებელია კიდევ ერთი საკითხი: სხვა ასეთივე ფირმების მსგავსად, Robinhood-ი მომხმარებლებსა და ეგრეთ წოდებულ ბაზრის შემქმნელებს აკავშირებს, შეკვეთებისთვის კი საკომისიოს იღებს. როგორც ცნობილია, საკომისიოს მიღების წესებში ცვლილებები შედის, რაც ანალიტიკოსების შეფასებით, კომპანიის შემოსავლებს კიდევ უფრო შეამცირებს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.