სამოქალაქო განათლება მნიშვნელოვანია, რადგან ის ეხმარება ბავშვებს ისწავლონ, იყვნენ თავიანთი თემის ძლიერი და აქტიური წევრები. აშშ-ის საერთაშორისო განვითარების სააგენტოს (USAID) სამოქალაქო განათლების გაძლიერების კამპანიის — სამოქალაქო განათლება მნიშვნელოვანია ფარგლებში, საქართველოს ოთხი ქალაქის, თბილისის, ქუთაისის, ბათუმისა და რუსთავის სკოლების ტერიტორიაზე სამოქალაქო განათლების შესახებ რამდენიმე მნიშვნელოვანი გზავნილი სტენსილის სახით გამოჩნდა.

ფოტო: USAID

აღნიშნული გზავნილებია:

  • სამოქალაქო განათლება მნიშვნელოვანია;
  • კედელზე ჩხაპნით კვალს ვერ დატოვებ;
  • აზრები თამამად გამოხატე, სხვისას — პატივი ეცი;
  • ჩართულობა დემოკრატიის შენარჩუნების მთავარი გზაა;
  • არ გაჩუმდე უსამართლობისას;
  • Ჩაგვრა სისუსტეა;
  • #ისწავლერომშეცვალო.

ფოტო: USAID

აქტივობა ემსახურება ახალგაზრდების დაინტერესების ზრდას სამოქალაქო საკითხების მიმართ, ასევე, მათი ცნობიერების ამაღლებას პროექტის ფარგლებში გათვალისწინებული პრიორიტეტული მიმართულებების შესახებ.

ფოტო: USAID

კამპანიის მიზანია, გაზარდოს ახალგაზრდების მოტივაცია და მეტად ჩართოს სამოქალაქო ცხოვრებაში. კამპანიის ფარგლებში მოსწავლეები გაიგებენ, თუ, როგორ შეუძლიათ აქტიური ქმედებებით შეცვალონ საკუთარი და საზოგადოების ცხოვრება უკეთესობისკენ.