თუ გრაფი კლაუს ფილიპ შენკ ფონ შტაუფენბერგი ისტორია არ გსმენიათ, გეტყვით, რომ ის ვერმახტის ოფიცერი, პოლკოვნიკი და გრაფი იყო. რომელიც თავის ძმასთან, ბერტოლდთან ერთად ჰიტლერის რეჟიმის წინააღმდეგ მიმართული იატაკქვეშა მოძრაობის "ვიდერშტანდის" ერთ-ერთი მთავარი ორგანიზატორი იყო.

2008 წელს რეჟისორი ბრაიან სინგერი რეალურ ამბავზე დაფუძნებულ ფილმს იღებს. 1940 წლის 20 ივლისს, ჰიტლერი სასწაულებრივად გადაურჩა აფეთქებას. ოფიციალური პირებმა მოქმედება დაიწყეს შტაუფენბერგის მეთაურობით და გამოდიოდნენ "წმინდა გერმანიის" სახელით. "მგლის ბუნაგი", რომელიც ადოლფ ჰიტლერის სამალავი იყო, რაცენბურგში აღმოსავლეთ პრუსიაში მდებარეობდა და სწორედ ამ ადგილას აფეთქდა ბომბი. ფიურერი ამ დროს სახელმწიფოებრივ საკითხებს განიხილავდა. ასაფეთქებელი ნივთიერება გადასაფარებლის ქვეშ იყო დამალული, იმ ადგილიდან რამდენიმე მეტრით მოშორებით, სადაც ჰიტლერი იდგა, თუმცა ის აფეთქებას გადაურჩა.

ადამიანი, რომელმაც ბომბი დაამონტაჟა 36 წლის ვიცე-პოლკოვნიკი და ოთხი შვილის მამა, კლაუს ფილიპ შენკ ფონ შტაუფენბერგი იყო.

ამ ამბავზე დაფუძნებულ ფილმში მთავარ როლს მსახიობი ტომ კრუზი ასრულებს, რომელიც ამბობს, რომ ვალკირიამ მისი კარიერა თვიდან დაიწყო.

"ფილმი იმ წელს გამოვიდა ეკრანზე, როდესაც 45 წლის ვიყავი. ხომ იცით როგორი ასაკია ეს, მით უმეტეს როცა ჰოლივუდში ხარ. ნელ-ნელა ეგუები იმ აზრს, რომ შენ ჩამოწერილი მსახიობი ხდები, რომელიც ამიერიდან მხოლოდ იმიტომ გაახსენდებათ, რომ ოდესღაც მისი ფოტო ძველ ჟურნალში უნახავთ. ვალკირიამ მომცა საშუალება, რომ დამეჯერებინა, მე ისევ საჭირო ვიყავი ჰოლივუდისთვის და სწორედ ეს ფილმი გახდა ჩემი კარიერის ახალი დასაწყისი.", - ამბობს კრუზი.

შაბათს, 6 მაის, 19:00 საათზე ტელეკომპანია GDS-ზე სწორედ ვალკირია შეგიძლიათ ნახოთ, ფილმი, რომელმაც ტომ კრუზს ცხოვრების ხალისი დაუბრუნა.