უკრაინის თავდაცვის სამინისტროს მთავარი სადაზვერვო სამმართველოს განცხადებით, ხერსონის რეგიონში ლიკვიდირებულია ორი რუსი გენერალი. მათივე თქმით, ერთი გენერალი მძიმედ დაიჭრა და კრიტიკულ მდგომარეობაში ევაკუირებულია.

"22 აპრილს უკრაინის შეიარაღებულმა ძალებმა დამანგრეველი დარტყმა მიაყენეს რუსეთის საოკუპაციო ჯარების 49-ე არმიის სამეთაურო პუნქტს, რომელიც საბრძოლო ინსტრუქციებისა და საღი აზრის საწინააღმდეგოდ მდებარეობდა ბრძოლის ხაზიდან მცირე მანძილზე", — წერს უწყება.

დღეს, 23 აპრილს პრეზიდენტის აპარატის უფროსის მრჩეველმა, ალექსეი არესტოვიჩმა განაცხადა, რომ უკრაინის შეიარაღებულმა ძალებმა ხერსონის რაიონში, ოკუპანტების სამეთაურო შტაბი დაბომბეს, სადაც 50-მდე რუსი ოფიცერი იყო.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში