ლვოვის მერის, ანდრი სადოვის განცხადებით, რაც დღეს უკრაინაში ხდება, გენოციდია. მისი თქმით, უკრაინაში "უსაფრთხო" და "არაუსაფრთხო" ტერიტორიები აღარ დარჩა. მის კომენტარს The Guardian ავრცელებს.

"რასაც დღეს ვხედავთ, გენოციდია. ეს არის აგრესორების მიზანმიმართული ქმედება, რომ დახოცონ მშვიდობიანი მოქალაქეები. ჩვენი ყველა ქალაქი და სოფელი ერთნაირ სიტუაციაშია", — განაცხადა მან.

დღეს ლვოვზე რუსულმა არმიამ 4 სარაკეტო თავდასხმა განახორციელა. ლვოვის ოლქის რეგიონული სამხედრო ადმინისტრაციის ხელმძღვანელის თქმით, სამი ბომბი სამხედრო ინფრასტრუქტურის ობიექტებს მოხვდა. ბოლო ინფორმაციით, რუსების თავდასხმის შედეგად, ლვოვში 7 ადამიანი დაიღუპა, ხოლო 11 დაშავდა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში