ქართული ოცნების თავმჯდომარის, ირაკლი კობახიძის განცხადებით, უკრაინის ხელისუფლების პრინციპული გადაწყვეტილებაა, რომ ნაციონალური მოძრაობის ლიდერები ჰყავდეს თავისთან.

"ეს არის სააკაშვილი, ადეიშვილი, ლორთქიფანიძე, არახამია სხვები. ეს არის მათი პრინციპული პოზიცია და სამწუხაროდ, არ იცვლება. მათ იციან, რომ ეს არის არამეგობრული დამოკიდებულების გამოვლინება ქართული სახელმწიფოს მიმართ პირველ რიგში, იმიტომ, რომ ესენი არიან ქვეყნის მთავარი კრიმინალები. ამის მიუხედავად, სამწუხაროდ, არ იცვლება მათი დამოკიდებულება, ამის უკან რაღაც უნდა იდგეს, სამწუხაროდ ეს არ იცვლება, ჩვენ არ ვიცით რა არის ამის მიზეზი", — ამბობს ის.

კობახიძე დასძენს, რომ მათ ამის შეფასება მოუწევთ, მაგრამ ქვეყანა ომშია და "მაქსიმალურად უნდა გავუწიოთ ანგარიში".