მაგთიკომმა და კავკასუს ონლაინმა დღეს, 30 მაისს, ერთობლივი განცხადება გაავრცელეს, სადაც წერია, რომ ხელი მოაწერეს ნასყიდობის ხელშეკრულებას:

"მოხარულები ვართ გაცნობოთ, რომ შპს მაგთიკომსა და შპს კავკასუს ონლაინს შორის მიმდინარე წლის 30 მაისს ხელი მოეწერა საოპერაციო აქტივების ნასყიდობის ხელშეკრულებას.

კავკასუს ონლაინის კორპორაციული და საცალო მომსახურებისთვის საჭირო საოპერაციო აქტივების მაგთიკომისთვის გადაცემის პროცესი სავარაუდოდ დაიწყება 2016 წლის 1 აგვისტოს, რამდენიმე თვე გაგრძელდება და მიმდინარე წლის ბოლომდე დასრულდება.

მომხმარებლებს წინასწარ ვაცნობებთ თარიღს, თუ როდიდან გაუწევს მათ მაგთიკომი საკაბელო ინტერნეტის, ინტერნეტტელევიზიის და ფიქსირებული ტელეფონიის მომსახურებას".

კომპანიების განცხადებით, ინტეგრაციის პროცესში, მომხმარებლებს შეუფერხებლად, უწყვეტ რეჟიმში მიეწოდებათ მომსახურება.