კიევში უკრაინის ცის დახურვის მოთხოვნით აქცია-კონცერტი გაიმართა, რომელზეც სიმფონიური ორკესტრი უკრავდა. Unian-ის ინფორმაციით, აქციას "თავისუფალი ცა" ერქვა.

როგორც გამოცემა წერს, სიმფონიური ორკესტრის მუსიკოსებმა შეასრულეს უკრაინისა და ევროპის ჰიმნები, ასევე არაერთი ცნობილი უკრაინული მუსიკალური ნაწარმოები.

აქციის ორგანიზატორების განცხადებით, კონცერტი მოეწყო უკრაინელი ხალხისა და პრეზიდენტის, ვოლოდიმირ ზელენსკის მოწოდების მხარდასაჭერად, მსოფლიოს ქვეყნებისადმი, რომ დაკეტონ ცა და შეაჩერონ ომი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში