28 თებერვალს მოსკოვი-სანკტ-პეტერბურგის გზაზე ელექტრომობილების დამტენი სადგური წყობიდან გამოვიდა. ეკრანზე მორიგეობით შემდეგი წარწერები ჩნდებოდა: "პუტინ ხუი*ო", "დიდება უკრაინას", "დიდება გმირებს" და "სიკვდილი მტრებს".

რუსული ენერგოკომპანია Rosseti-ის ინფორმაციით, სისტემის მწყობრიდან გამოსვლის მიზეზი უკრაინული კომპანია Autoenterprise გახდა, რომელმაც დამტენების ერთ-ერთი მნიშვნელოვანი ნაწილი დაამზადეს. ამ გზით უკრაინელებმა სისტემა დაჰაკეს და სადგურზე მოსულ რუსებს ასეთი "სიურპრიზი" დაახვედრეს.

შემთხვევის ამსახველი ვიდეო ინტერნეტში სადგურზე მოსულმა რუსმა გაავრცელა, ხოლო უკრაინულმა კომპანია Autoenterprise-მა ვიდეო საკუთარ ფეისბუქგვერდზე აშკარად დიდი სიამაყით გადააზიარა.

"ეს რუსეთშია...ასეთი რამე როგორ შეიძლება მოხდეს?", — გაოცებას ვერ მალავს ვიდეოს ავტორი.

უცნობია, ზუსტად რამდენი ხნის განმავლობაში შეეძლოთ რუსებს სადგურზე ანტირუსული წარწერების წაკითხვა და როდის აღმოფხვრა კომპანიამ პრობლემა, თუმცა, სავარაუდოდ, რეაგირებამდე ვიდეოს ნახვას რუსეთის უამრავი მოქალაქე და მსოფლიოც შეძლებდა.

შეგახსენებთ, რომ რუსეთი უკრაინაში 24 თებერვალს შეიჭრა და ომი წამოიწყო, რომელიც დღემდე გრძელდება.

ამავე თემაზე:

პუტინის ომი უკრაინაში — განახლებადი