საფრანგეთის პრეზიდენტის, ემანუელ მაკრონის განცხადებით, ვლადიმერ პუტინმა ის დაარწმუნა, რომ უკრაინის საზღვრებთან რუსული ძალები კრიზისს არ გაამწვავებენ.

"მე დავრწმუნდი, რომ გაუარესება ან ესკალაცია არ იქნება", — თქვა მან უკრაინის პრეზიდენტთან შეხვედრამდე.

7 თებერვალს საფრანგეთის პრეზიდენტი, ემანუელ მაკრონი რუსეთის პრეზიდენტს, ვლადიმერ პუტინს შეხვდა.

შეხვედრის შემდეგ გამართულ პრესკონფერენციაზე საფრანგეთის პრეზიდენტმა ხაზი გაუსვა, რომ რუსეთის ხედვა ნატოს ღია კარის პოლიტიკაზე არ ემთხვევა ევროპულ და დასავლურ პოზიციას. უნდა აღვნიშნოთ, რომ რამდენიმე თვის წინ მაკრონი ამბობდა, რომ საფრანგეთი მზად არის, უკრაინის ტერიტორიული მთლიანობა დაიცვას.