გირჩის ერთ-ერთი ლიდერის, იაგო ხვიჩიას განცხადებით, ისინი მიხეილ სააკაშვილის საქმეზე საგამოძიებო კომისიის შექმნას მხარს ორი პირობით დაუჭერენ, თუმცა კომისიის მუშაობაში მონაწილეობას არ მიიღებენ.

"ჩვენ არ მივიღებთ მონაწილეობას ამ საგამოძიებო კომისიაში, მაგრამ მის შექმნასთან დაკავშირებით ხელს არ შევუშლით ჩვენს კოლეგა ნაციონალური მოძრაობის წევრებს იმ შემთხვევაში, თუ ისინი საჯაროდ დადებენ პირობას, იტყვიან იმას, რომ როცა ჩვენ დაგვჭირდება მსგავსი საგამოძიებო კომისიის შექმნა, გირჩს, მაშინ მხარს დაგვიჭერენ ასეთი საგამოძიებო კომისიის შექმნაში და მეორე — მათი ტელეარხების მეშვეობით შეწყვეტენ იმის ტირაჟირებას, რომ ჩვენ ვართ ქოცების მეგობრები, მათთან შეკრული და ა.შ. ეს ორი პირობა გვაქვს იმისთვის, რომ მხარი დავუჭიროთ ნაციონალურ მოძრაობას თავის ამ საქმეში, თუმცა კომისიის მუშაობაში მონაწილეობას არ მივიღებთ", — განაცხადა ხვიჩიამ პარლამენტში.

3 იანვარს მიხეილ სააკაშვილის ადვოკატმა, გიორგი მშვენიერაძემ განაცხადა, რომ ექსპრეზიდენტს მის მიმართ შესაძლო არაადამიანური და ღირსებისშემლახავი მოპყრობის საქმეზე პარლამენტში საგამოძიებო კომისია შექმნა სურს. მისივე თქმით, სააკაშვილი ინსპექტორის სამსახური გაუქმებას მისი საქმის გამოძიებას უკავშირებს.