38 წლის მამაკაცს სამმეტრიანმა პითონმა პენისზე იმ დროს უკბინა, როცა ის ტუალეტში ბუნებრივი მოთხოვნილების დასაკმაყოფილებლად შევიდა. შემთხვევა რამდენიმე დღის წინ ტაილანდში, ბანგკოკის აღმოსავლეთით მოხდა. ინფორმაციას BBC ავრცელებს.

"ვიგრძენი, თითქოს პენისი მომაჭრეს. ძალიან მაგრად მასობდა კბილებს", - ადგილობრივ მედიასთან საუბარში ინციდენტს ასე იხსენებს დაზარალებული. ექიმების თქმით, მან ძალიან ბევრი სისხლი დაკარგა, თუმცა, მისი მდგომარეობა ასევე სწრაფად უმჯობესდება.

BBC-ის ცნობით, პითონისგან თავის დახსნაში დაზარალებულს ცოლი დაეხმარა, რომელიც ცდილობდა, პითონისთვის პირი ძალის გამოყენებით გაეღო. ტუალეტში საკანალიზაციო მილიდან ამოსული ქვეწარმავლის გასათავისუფლებლად მუშებს მილების დაშლა მოუწიათ. საბოლოოდ, მილებში გაჭედილი პითონი გაათავისუფლეს და ახლომდებარე ტყეში გაუშვეს.

დაზარალებულის თქმით, ის სახლში უნიტაზის დადგმას აპირებს, რათა მსგავსი შემთხვევისგან თავი სამომავლოდ დაიზღვიოს.