შინაგან საქმეთა სამინისტროს ინფორმაციით, თბილისში, საბურთალოს რაიონში უცნობმა პირებმა ალექსი პეტრიაშვილს ფიზიკური შეურაცხყოფა მიაყენეს. თავისუფალი დემოკრატების ლიდერს ცეცხლსასროლი იარაღით ორივე ქვედა კიდური დაუზიანეს.

გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

შემთხვევა საბურთალოს სასაფლაოზე მაშინ მოხდა, როდესაც პეტრიაშვილი ყოფილი დიპლომატის-ლევან მიქელაძის საფლავზე სამ მეგობართან ერთად იმყოფებოდა.

"ალექსი პეტრიაშვილის ჯანმრთელობის მდგომარეობა ამ დროისთვის სტაბილურია", - აღნიშნულია განცხადებაში.