ნავის ჩაძირვის შემდეგ, ლიბიის სანაპიროსთან 200-ზე მეტი მიგრანტი დაიხრჩო. ინფორმაციას BBC ავრცელებს.

ოფიციალური პირების თქმით, მათ მხოლოდ 5 ადამიანის გვამი აღმოაჩინეს, გადაბრუნებული ნავების სიახლოებს, რომელიც 100 ადამიანს იტევს.

აღმოჩენილი გვამები 5 ახალგაზრდა კაცს ეკუთვნის.

იტალიის სანაპიროს მაშველების პრესსამსახურის განცხადებით, მათ არ მიუღიათ შეტყობინება სავარაუდო სახიფათო მდგომარეობის შესახებ, ამიტომ მიგრანტების კონკრეტული რაოდენობის დაღუპვის შესახებ ცნობას ვერ დაადასტურებენ, თუმცა მათი თქმით, შესაძლოა 240 ადამიანი დაიხრჩო, რადგან მიგრანტების ნავები ხშირადაა გადატვირთული:

"ეს სასტიკი რეალობაა იმ ტანჯვის, რომელსაც ევროპა ვერ ხედავს".

მაშველების თქმით, მათ ბოლო რამდენიმე დღეში მინიმუმ 40 გადასარჩენი ოპერაციები გაატარეს.

2017 წელს იტალიაში 20 ათასზე მეტი მიგრანტი შევიდა, მათგან 559 ადამიანი დაიკარგა ან დაიღუპა.