ჰოლივუდში ხუთი ოსკარის მფლობელი ფილმის, Terms of Endearment რიმეიქს გადაიღებენ. შირლი მაკლეინის პერსონაჟის, აურორას როლს ოპრა უინფრი შეასრულებს.

ფილმის სიუჟეტი აურორა გრინუეის გარშემო ვითარდება, რომელიც თვლის, რომ ყველაზე უკეთ იცის, რა სჭირდება მის შვილს ბედნიერებისთვის. ის დაქვრივების შემდეგ სიყვარულს ეძებს და ქალიშვილის ოჯახური პრობლემების მოგვარებასაც თავად ცდილობს.

1983 წელს გადაღებული ნამუშევარი თავის დროზე ამერიკის კინოაკადემიამ წლის საუკეთესო ფილმად აღიარა. ამავდროულად, კინოსურათმა საუკეთესო რეჟისორის, საუკეთესო მსახიობი ქალის (შირლი მაკლეინი) და კაცის მეორეხარისხოვანი როლისთვისაც (ჯეკ ნიკოლსონი) მიიღო ოსკარები.