ინტერნეტსივრცე ცოტა ხნის წინ რეპერმა და ტიკტოკერმა Dan Sur-მა ოქროს "თმით" დაიპყრო. მუსიკოსს თავზე ნამდვილი თმის ნაცვლად, ოქროს ჯაჭვები აქვს. მისი თქმით, რამდენიმე თვის წინ ოპერაცია გაიკეთა, რომლის დროსაც მუსიკოსს თავის ქალაში კაუჭები ჩაუსვეს, მათზე კი რეპერის "თმა" — ოქროს ჯაჭვებია დამაგრებული.

"სიმართლე ითქვას, რაღაც განსხვავებულის გაკეთება მინდოდა იმიტომ, რომ ვხედავ, თუ როგორ იღებავს ყველა თმას. იმედი მაქვს, სხვები არ მომბაძავენ", — ამბობს ის ერთ-ერთ ვიდეოში.

მუსიკოსმა ახალი იმიჯით საზოგადოების დაინტერესება ნამდვილად შეძლო, რადგან ტიკტოკზე მისი გამომწერების რაოდენობა 12 ათასიდან 1,9 მილიონამდე სულ მცირე დროში გაიზარდა.

"ისტორიაში პირველი ადამიანი ვარ, რომელმაც ოქროს თმა გადაინერგა", — ამბობს მუსიკოსი.

Dan Sur ერთადერთი არაა, ვინც საზოგადოება ძვირფასეულობის სიყვარულით გააოგნა. რეპერმა ლილ უზი ვერტმა შუბლში $24 მილიონიანი ვარდისფერი ბრილიანტი ჩაისვა. მუსიკოსმა ცოტა ხნის წინ განაცხადა, რომ ივლისში გამართული კონცერტის დროს ძვირფასი ქვა ფანებმა მოაგლიჯეს.