როგორც უკვე იცით, ლა ლა ლენდის რეჟისორი დემიენ შაზელი ნილ არმსტრონგზე ფილმის გადაღებას აპირებს, რომელშიც მთავარ როლს რაიან გოსლინგი შეასრულებს.

თუმცა, როგორც ცოტა ხნის წინ გახდა ცნობილი, დემიენმა კიდევ ერთი პროექტი The Claim ჩაიბარა, რომელიც ეკრანზე 2018 წელს გამოვა.

ფილმის სცენარი 2010 წელს დაიწერა და ის მარტოხელა, კრიმინალური წარსულის მქონე მამის ისტორიას მოგვითხრობს, რომლის გოგონაც უეცრად გაუჩინარდება.

"ძალიან მიხარია, რომ დემიენ შაზელთან შეთანხმება შედგა. მან 2010 წელს დაწერილი სცენარი არაჩვეულებრივად გადააკეთა და შექმნა დამაჰიპნოზებელი სიუჟტი, რომელიც აუდიტორიის გულს აუცილებლად მოინადირებს", ამბობს ფილმის ერთ-ერთი პროდიუსერი.

დემიენ შაზელმა ოსკარის 89-ე ცერემონიაზე ლა ლა ლენდისთვის საუკეთესო რეჟისორისთვის ჯილდო მიიღო.