ტელეკომპანია ფორმულას დაკვეთით ჩატარებული Edison Research-ის კვლევის მიხედვით, კითხვაზე — "დღეს რომ თბილისის მერის არჩევნები ტარდებოდეს, ვის მისცემდით ხმას ამ არჩევანის შემთხვევაში?" გამოკითხულთა 34% გაერთიანებული ოპოზიციის კანდიდატს ასახელებს, 30% — ქართულ ოცნებას, ხოლო 13% გიორგი გახარიას პარტიის, საქართველოსთვის კანდიდატს.

ფოტო: კადრი ვიდეოდან / ფორმულა

სხვა მონაცემები ასე გადანაწილდა:

  • არცერთი — 7%;
  • არ ვიცი — 16%.

გარდა ამისა, ფორმულას ინფორმაციით, კვლევის ფარგლებში რესპონდენტებს დაუსვეს კითხვა, თუ ვის მისცემდნენ ხმას დასახელებულ სამ კანდიდატს შორის, თბილისის მერის არჩევნები რომ დღეს ტარდებოდეს. პასუხები ასე განაწილდა:

  • კახა კალაძე — 32%;
  • ნიკა მელია — 17%;
  • გიორგი გახარია — 15%

ფოტო: ფორმულა

  • კახა კალაძე — 42%;
  • გიორგი გახარია — 20%;
  • ზურაბ ჯაფარიძე — 10%

ფოტო: ფორმულა

  • კახა კალაძე — 39%;
  • გიორგი გახარია — 21%;
  • ელენე ხოშტარია — 12%

ფორმულას განცხადებით, კვლევა 7-19 ივნისის პერიოდში ჩატარდა და პირისპირი გამოკითხვის მეთოდით ქვეყნის მასშტაბით გამოიკითხა საქართველოში მცხოვრები 1 500 საარჩევნო უფლების მქონე 18 წლისა და ზევით ასაკის ადამიანი. მათ შორის, 800 თბილისში, 700 თბილისის გარეთ. მათივე ცნობით, შედეგების ცდომილება +/- 3%-ია.