პარლამენტის ვიცე-სპიკერის, გია ვოლსკის თქმით, ბიძინა ივანიშვილი ვალდებული იყო, რომ საზოგადოებისთვის "სიმართლე ეთქვა". პარლამენტის დეპუტატი ივანიშვილი წერილს გამოეხმაურა, რომელშიც ის ყოფილ პრემიერმინისტრთან, გიორგი გახარიასთან კავშირს უარყოფს.

"ბიძინა ივანიშვილი ვალდებულიც იყო, გამოსულიყო და საზოგადოებისთვის ეთქვა სიმართლე, ვინაიდან პრემიერმინისტრრის არაადეკვატურ მოქმედებებს დაემატა კიდევ ინტენსტიურად გავრცელებადი ჭორი იმის თაობაზე, რომ თითქოსდა ამას რაიმე კავშირი აქვს ბიძინა ივანიშვილის ინტერესებთან — იქმნება ახალი პოლიტიკური ძალა და თითქოს ეს არის რაღაც გაკრვეულ სცენარს დაქვემდებარებული პროცესი. ასე, რომ მისი შეფასებები, მისი ხედვა ამასთან დაკავშირებით გარკვეული ვალდებულებაც საზოგადოების წინაშე, რომელსაც იგი არასდროს გაურბოდა", — განაცხადა ვოლსკიმ.

დღეს, 7 ივნისს, ქართული ოცნების ყოფილმა თავმჯდომარემ, ბიძინა ივანიშვილმა განცხადება გაავრცელა და ყოფილი თანაგუნდელი, გიორგი გახარია გააკრიტიკა. ის ამბობს, რომ იმედგაცრუებულია და ექსპრემიერს გუნდისა და ქვეყნის მოღალატეს უწოდებს, მის საქციელს კი პოლიტიკურ დანაშაულად აფასებს.

ამასთან, ივანიშვილი გახარიას ახალ გუნდთან კავშირს უარყოფს და ამბობს რომ "საზოგადოებისთვის არც ერთი ფსევდოპარტიის შექმნა არ უკადრია".

ამავე თემაზე: