ფორმულა კრეატივის სერიალი, ჩემი ცოლის დაქალები მეთერთმეტე სეზონით ეთერში ოთხ მარტს დაბრუნდება.

ამის შესახებ On.ge-ს სერიალის პროდიუსერმა ირაკლი საღინაძემ უთხრა.

"გეგმაში გვაქვს, თუ კარგად წავიდა ყველაფერი, ეთერში ოთხ მარტს დავბრუნდეთ", - ამბობს ირაკლი საღინაძე.

სერიალის პირველი ეპიზოდი 2011 წლის 26 ნოემბერს გავიდა რუსთავი 2-ის ეთერში და მას მერე ყოველ წელს ორ-ორი სეზონით ანებივრებს ერთგულ მაყურებელს.

ჩემი ცოლის დაქალები კომედიური შოუა, რომელიც გროტესკით გადმოსცემს ქართული საზოგადოების ზნე-ჩვეულებებს და ამ გროტესკსა და სიცილ-ხარხარში, ხანდახან, მტკივნეულ თემებსაც ეხება.

აღსანიშნავია ისიც, რომ სულ მალე ფორმულა კრეატივის კიდევ ერთი სერიალი, ხელოვნური სუნთქვაც დაუბრუნდება ეთერს.