ფოტოპროექტი: ადამიანები, რომლებიც ბერგჰაინში არ შეუშვეს

ხმამაღალი არ იქნება, თუ ვიტყვით, რომ ბერგჰაინი პლანეტის საუკეთესო კლუბია. ყოველი კვირის ბოლოს ასობით ადამიანი დგას შესასვლელთან რიგში, რომლის მიღმაც მითიური ქლაბინგი იწყება. თუმცა ყველას არ შეუძლია თავაშვებული გართობითა და უკომპრომისო მძიმე ტექნოთი ისიამოვნოს. კლუბი უმკაცრესი ფეისკონტროლითაა ცნობილი. გადაწყვეტილებას ერთი შეხედვით საშიში 52 წლის მამაკაცი იღებს, რომელიც გახსნის პირველი დღიდან (2004) ბერგჰაინში მუშაობს.

ფოტოგრაფები, ბენედიქტ ბრენდჰოფერი და ლეიფ მარკუსი დაინტერესდნენ, რატომ ვერ ხვდებიან ადამიანები ბერგჰაინში. ეს საინტერესო ფოტოები მათ ისტორიებსაც მოგვითხრობენ:

1. ელენა

ფოტო: Benedikt Brandhofer & Leif Marcus.

ელენა დარწმუნებულია, რომ ბევრს იცინოდა და ამიტომაც არ შეუშვეს კლუბში.

2. პიერი

პიერი ბერლინელია. რაკი ამჯერად არ გამოუვიდა, სახლში წავა და დაიძინებს. მეორე დილას, საუზმის შემდეგ ისევ ცდის ბედს.

3. ჯენი

ჯენი შეუშვეს, მაგრამ... გამოაგდეს სურათების გადაღების გამო.

4. ტატიანა და მარე

ტატიანა და მარე ფიქრობენ, რომ ბერგჰაინში იმის გამო ვერ მოხვდნენ, რომ რუსები არიან.

5. პიტერი

პიტერმა გადაწყვიტა, ავსტრალიაში დაბრუნებამდე ბოლო საოცარი ღამე ბერგჰაინში გაეტარებინა. როგორც ჩანს, ფეისკონტროლმა გადაწყვიტა, რომ გართობა მისთვის ისედაც საკმარისი იყო.

6. მორგანა

მორგანას სხვა გეგმები აქვს - ის ბერლინის სხვა ცნობილ კლუბში, Suicide Circus-ში გაემართება.

7. ფლორიანი

ფლორიანი ბერლინელია და ბერგჰაინში უამრავჯერაა ნამყოფი. უბრალოდ, დღეს მისი დღე არ აღმოჩნდა.

8. ლივკიე

ლივკიეს ძალიან აინტერესებს, რატომ არ შეუშვეს კლუბში. უარყოფამ მისი ცნობისმოყვარეობა მხოლოდ გაზარდა და ის აუცილებლად აპირებს კიდევ ცდას.

9. კარსონი და ნიკი

კარსონი და ნიკი შვედები არიან. ისინი ფიქრობენ, რომ ან წარმომავლობამ შეუშალათ ხელი ან სტანდარტულად მომხიბვლელმა გარეგნობამ.

10. ტომეკი

ტომეკი შემდეგ ჯერზე პირდაპირ თავის საყვარელ კლუბს, კიტკეტკლუბს მიაკითხავს.

ფოტოგრაფები იმედოვნებენ, რომ ელექტრონული მუსიკის მოყვარულებამდე თავიანთ გზავნილს მიიტანენ: ბერგჰაინში თუ ვერ შეხვალთ, საგანგაშო არაფერია. ყოველთვის არსებობს ვოთერგეითი.

ბოლო ამბები:

გირჩევთ