ფოტოგრაფმა ჯოშ როსიმ თავისი გოგონასათვის ზღაპრული ფოტოსესიის მოწყობა გადაწყვიტა და მოახერხა კიდეც. მან მზეთუნახავისა და ურჩხულის ზღაპარი გააცოცხლა და პატარა ნელეს მთავარი როლი არგუნა.

"მიყვარს, როდესაც ჩემი ნიჭის წყალობით შემიძლია შევქმნა რაიმე დასამახსოვრებელი ჩემი ოჯახისათვის. დიდი ხნის შემდეგ ჩემი გოგონა ბედნიერი იქნება, როდესაც ამ ფოტოებზე საკუთარ თავს დაინახავს", - ამბობს ჯოში.

როგორც ყველა პრინცესას, პატარა ნელესაც სჭირდებოდა სასახლე, ამიტომ როსიმ ევროპაში იმოგზაურა, სადაც ნამდვილი სასახლეები გადაიღო.

აქვე, არ დაგვავიწყდეს ისიც, რომ მარტში დისნეი ლამაზმანი და ურჩხულის ახალ კინოვერსიას გამოუშვებს. მთავარ როლს ემა უოტსონი ასრულებს.