სებ-მა ლარის ახალი გაცვლითი კურსი დაადგინა, რომლის მიხედვითაც ეროვნული ვალუტა დოლართან მიმართებით გამყარდა, ხოლო ევროსთან გაუფასურდა.

დღეს დადგენილი კურსის მიხედვით, ერთი დოლარის ღირებულება 3,4343 ლარი გახდა, რაც 0,67 თეთრით გამყარებას ნიშნავს. ევროს მიმართ კი, ეროვნული ვალუტა 0,42 თეთრით გაუფასურდა და ერთი ევრო 4,0446 ლარს გაუტოლდა.

შეგახსნებთ, რომ ლარის კურსის დასტაბილურების მიზნით, საქართველოს ეროვნულმა ბანკმა მიმდინარე წელს ხუთი სავალუტო ინტერვენცია განახორციელა და ჯამურად 187,5 მლნ დოლარი გაყიდა. მათ შორის, ბოლო სავალუტო აუქციონი გუშინ, პირველ აპრილს შედგა, სადაც ეროვნული ბანკის მიერ გამოტანილი 40 მილიონი დოლარიდან 27,5 მილიონი დოლარი გაიყიდა.

სებ-ის მიერ დღეს დადგენილი გაცვლითი კურსი ხვალ, სამ აპრილს შევა ძალაში.