კორუფციის სკანდალის ფონზე ესტონეთის პრემიერმინისტრი, იური რატასი გადადგა. პოსტის დატოვების შესახებ განცხადება მან ფეისბუქზე გაავრცელა. პრემიერმინისტრის თანამდებობა მან ხუთი წლის დაიკავა.

რადიო თავისუფლების ინფორმაციით, 12 იანვარს ესტონეთის უსაფრთხოების პოლიციამ ბრალდებები წაუყენა ცენტრისტული პარტიის გენერალურ მდივანს მიხაილ კორბს, ფინანსთა მინისტრის მრჩეველს კერტი კრახტს, ბიზნესმენ ჰილარი ტედერს და კიდევ ორ პირს. პოლიციის გამოძიების თანახმად, ტედერი და კორბი შეთანხმდნენ, რომ მეწარმეები ცენტრისტულ პარტიას მილიონ ევრომდე შესწირავდნენ. სამაგიეროდ, კორბს თითქოს გავლენა უნდა მოეხდინა ტალინის მერიაზე, რათა ტედერთან დაკავშირებულ კომპანიას ქალაქში მშენებლობის ნებართვა მიეღო.

ფინანსთა მინისტრის მრჩეველს, კერსტი კრახტს ადანაშაულებენ, რომ ტედერუსთან შეთანხმდა, ნებართვის მისაღებად თავისი გავლენა გამოეყენებინა. გამოძიების ვერსიით, კრახტს ქრთამი უნდა აეღო, თუმცა ფულის გადაცემა დაკავების გამო ვერ მოხერხდა.

როგორც იური რატსმა განაცხადა, ასეთ ვითარებაში გადადგომა სწორად მიაჩნია. გარდა ამისა, ყოფილი პრემიერი თქმით, ის შეხვდა გენერალურ პროკურორსა და უსაფრთხოების პოლიციის უფროსს, რომლებმაც განუცხადეს, რომ მის მიმართ ეჭვი არ არსებობს.