გაეროს ლტოლვილების უმაღლესი კომისარიატი აცხადებს, რომ სირიელი ლტოლვილები არანაირ საშიშროებას არ უქმნიან აშშ-ის უსაფრთხოებას. გაეროს ლტოლვილთა სააგენტოს უმაღლესი კომისარი და უფლებების დაცვის აქტივისტები მოუწოდებენ აშშ-ს გადახედოს აკრძალვას იმიგრანტთა დაშვებაზე. ინფორმაციას ამერიკის ხმა ავრცელებს.

სააგენტოს ცნობით, აშშ-ის პრეზიდენტის გადაწყვეტილება, რომ ლტოლვილები ქვეყნის უსაფრთხოებას პრობლემას უქადიან და მათ ამის გამო აშშ-ში ჩამოსვლა უნდა აეკრძალოთ, უსაფუძვლოა.

შეგახსენებთ, რომ ტრამპის გადაწყვეტილებით ამერიკა მიგრანტებს ოთხი თვე აღარ მიიღებს. სირიელ მიგრანტებს განუსაზღვრელი ვადით აეკრძალათ ამერიკაში შესვლა. პარასკევს დონალდ ტრამპმა ასევე მოაწერა ხელი ბრძანებას, რომლითაც შვიდი მუსლიმური ქვეყნის მოქალაქეებს ამერიკაში შესვლა აუკრძალა.

აღსანიშნავია, რომ ტრამპმა იმავე დღეს განაცხადა, რომ ქრისტიან მიგრანტებს დაეხმარება ამერიკაში შესვლაში. ჯერჯერობით უცნობია, როგორ შეძლებენ სირიელი ქრისტიანი მიგრანტები ამერიკაში შესვლას.

დონალდ ტრამპის გადაწყვეტილების საპასუხოდ, ირანი ამერიკის მოქალაქეებს მის ქვეყანაში აღარ შეუშვებს.