გირჩის ერთ-ერთმა ლიდერმა, ვახტანგ მეგრელიშვილმა ქართულ ოცნებას მოუწოდა, შექმნას ისეთი კლიმატი, რომ ნაციონალური მოძრაობის პოლიტიკოსები ჩართონ პროცესში და შემდეგ თვითონ მოუნდეთ პარლამენტში შესვლა. მისი თქმით, ოპოზიციურ დეპუტატებს პარლამენტში შესვლა უნდათ, თუმცა ისეთი სიტუაციაა შექმნილი, სადაც პარლამენტში შესვლა სირცხვილია.

"მე მოვუწოდებ ქართულ ოცნებას, რომ ისეთი კლიმატი შექმნას , სადაც ნაციონალური მოძრაობის პოლიტიკოსებს ექნებათ შესაძლებლობა, რომ ჩაერთონ პროცესში და თვითონვე უნდოდეთ მერე პარლამენტში შესვლა. ანუ ასე არ არის სიტუაცია, რომ ხალხს პარლამენტში შესვლა არ უნდა, მე ძალიან კარგად ვიცნობ ჩემს კოლეგებს. უბრალოდ, არის შექმნილი სიტუაცია, სადაც პარლამენტში შესვლა სირცხვილია, უბრალოდ სირცხვილია", — განაცხადა მეგრელიშვილმა

11 დეკემბერს საქართველოს მე-10 მოწვევის პარლამენტი ერთპარტიულად შეიკრიბა. სხდომას მხოლოდ ქართული ოცნების დეპუტატები ესწრებოდნენ. სხდომის პარალეურად, ოპოზიციის ნაწილი მოსწავლე ახალგაზრდობის სასახლის ეზოში შეიკრიბა და განცხადებას მოაწერა ხელი, რომლითაც მანდატებზე უარი თქვა.