ევროპა ლიგის ფინალში ესპანურმა სევილიამ ლივერპული 1-3 დაამარცხა და ევროპა ლიგის თასი ზედიზედ მესამედ, ხოლო ისტორიაში - მეხუთედ მოიგო.

შვეიცარიის ქალაქ ბაზელში, სენტ ჯეიკობ პარკის სტადიონზე გამართული ფინალის პირველ ტაიმში ლივერპული 1-0-ს იგებდა. გუნდი 35-ე წუთზე დანიელ სტარიჯმა, ფილიპე კოუტინიოს საგოლე პასის საშუალებით, დააწინაურა.

მეორე ტაიმში გოლი პირველივე წუთებზე გავიდა. კევინ გამეირომ მარიანოს საგოლე გადაცემით ანგარიში 46-ე წუთზე გაათანაბრა.

მომდევნო ორი გოლი გუნდის კაპიტანმა კოკემ გაიტანა.

ლივერპულისთვის ეს პირველი წაგება იყო ევროპა ლიგის ფინალში, მანამდე გუნდს სამჯერ, 1973, 1976 და 2001 წლებში აქვს მოგებული.