16 წლის ჩარლი დ'ამელიო ტიკტოკის პირველი ვარსკლავია, რომელსაც 100 მილიონზე მეტი გამომწერი ჰყავს. პლატფორმაზე სხვადასხვა შინაარსის მქონე კონტენტის შემქმნელმა სულ ორმა ანგარიშმა მოაგროვა 50 მილიონზე მეტი გამომწერი. ეს მიღწევა დ'ამელიოს ტიკტოკზე აქცევს ორჯერ უფრო გავლენიანს, ვიდრე უილ სმიტია, სამჯერ — ვიდრე დუეინ ჯონსონია, 4-ჯერ, ვიდრე სელენა გომეზია და ხუთჯერ — ვიდრე კაილი ჯენერი და არიანა გრანდე არიან.

ჩარლი დ'ამელიო ასევე გახდა პირველი, რომელმაც ნებისმიერ პლატფორმაზე 100 მილიონი გამომწერი რეკორდულ დროში მოაგროვა. მაგალითად, YouTube-ზე ამ რაოდენობის გამომწერი 14 წელიწადში დააგროვეს, დ'ამელიომ კი ტიკტოკის გამოყენება 2019 წლის მაისში დაიწყო. ამ ბრენდინგით პლატფორმა 2018 წლის აგვისტოდან არსებობს.

ამის პარალელურად, ჩარლის ოჯახი გავლენის გაზრდას ტიკტოკის მიღმაც ცდილობს. დ'ამელიოების იმპერიას უკვე აქვს პოდკასტი, პოპულარული YouTube არხი, ისინი აქვეყნებენ წიგნს და ა.შ.

ტიკტოკზე პოპულარულია ჩარლის და დიქსიც, რომელმაც ივნისში სინგლი გამოუშვა. სიმღერა ბილბორდის ჩარტებში მოხვდა, ხოლო კლიპს YouTube-ზე 4 თვეში 92 მილიონზე მეტი ნახვა აქვს.

ჩარლის და დიქსის მშობლებს, ჰეიდისა და მარკს ასევე პოპულარული ანგარიშები აქვთ ტვიტერსა და ინსტაგრამზე, ხოლო YouTube-ზე დ'ამელიოების ოჯახის შესახებ სხვადასხვა ისტორია ყოველკვირეულ ეპიზოდებად ქვეყნდება.

გასულ წელს ამ დროს ჩარლის ტიკტოკზე მხოლოდ 6 მილიონი გამომწერი ჰყავდა და შეიძლება ითქვას, რომ მისი და პლატფორმის პოპულარობა იმ დროიდან ერთდროულად გაიზარდა. იქედან გამომდინარე, რომ ტიკტოკმა კრიტიკა პოლიტიკური ლიდერებისგან მიიღო, დ'ამელიოებს უკვე სხვა პლატფორმებზეც უჭირავთ საკუთარი ნიშა.

გასული კვირის მიწურულს, ჩარლი ამბობდა, რომ ტიკტოკზე 100 მილიონი გამომწერი დროულად სურდა მიეღო, რამაც გულშემატკივრების განაწყენება გამოიწვია და ორი დღის განმავლობაში მან პლატფორმაზე მილიონზე მეტი გამომწერი დაკარგა, თუმცა ბოდიშის მოხდის შემდეგ, მათი რიცხვი იმაზე სწრაფად გაიზარდა, ვიდრე მანამდე.

ინტერნეტვარსკვლავმა 100 მილიონი გამომწერი ტიკტოკზე სამადლობელი ვიდეოთი აღნიშნა, რომელშიც თქვა, რომ პლატფორმა ორგანიზაცია American Dance Movement-ს, რომელიც დამწყებ მოცეკვავეებზე ზრუნავს, 100 ათასი დოლარით დააფინანსებს.

@charlidamelio

A HUGE THANK YOU TO EVERYONE WHO HAS HELPED ME REACH 100 MILLION SUPPORTERS!!! AND ANOTHER HUGE THANK YOU TO @tiktok I LOVE EVERY ONE OF YOU!!! 💕💕

♬ original sound - charli d’amelio

ასევე იხილეთ:

თუ გამოცდილი ტიკტოკერი ხარ და ამ აპლიკაციაზე ბევრი სასაუბრო დაგიგროვდა, შემოგვიერთდი ჯგუფში – Georgian TikTok Community - ქართული ტიკტოკი.