მთავრობის განკარგულებით, სამების საკათედრო ტაძარში გაჩენილი ხანძრის შედეგად დაზიანებული ინფრასტრუქტურის რესტავრაცია-აღდგენისათვის სარეზერვო ფონდიდან 3 737 400 ლარი გამოეყო.

მთავრობამ აღნიშნული განკარგულება 5 მაისს გამოსცა. დოკუმენტს ხელს აწერს პრემიერ მინისტრი გიორგი კვირიკაშვილი.

სამების საკათედრო ტაძარის პირველ სართულზე ხანძარი 2016 წლის 20 მარტს გაჩნდა, რის შედეგად 1200 კვადრატული მეტრის ფართობი დაიწვა.