საქართველოს პრეზიდენტი, სალომე ზურაბიშვილი თბილისში აშშ-ს სახელმწიფო მდივნის, მაიკ პომპეოს ჩამოსვლას მიესალმება და აღნიშნავს, რომ სტრატეგიული პარტნიორის მხარდაჭერა დემოკრატიული განვითარებისთვის მნიშვნელოვანია.

"მივესალმებით საქართველოში აშშ-ს სახელმწიფო მდივნის, მაიკ პომპეოს ჩამოსვლას. ჩვენი სტრატეგიული პარტნიორის, აშშ-ს მხარდაჭერა ჩვენი დემოკრატიული განვითარებისთვის, მშვიოდბისთვისა და რეგიონში სტრაბილურობისთვის მნიშვნელოვანია", — დაწერა ტვიტერზე.

17-18 ნოემბერს აშშ-ის სახელმწიფო მდივანი, მაიკ პომპეო საქართველოში ჩამოვა. საგარეო საქმეთა მინისტრის, დავითზალკალიანის განცხადებით, აშშ-ის სახელმწიფო მდივნის, მაიკ პომპეო საქართველოში ვიზიტი აშშ-ის ადმინისტრაციის მხრიდან პოლიტიკური მხარდაჭერის მკაფიო ნიშანს წარმოადგენს.

ვიზიტის ფარგლებში სახელმწიფო მდივანი შეხვედრებს გამართავს პრემიერმინისტრ გიორგი გახარიასთან, საქართველოს პრეზიდენტთან სალომე ზურაბიშვილთან და საგარეო საქმეთა მინისტრ დავით ზალკალიანთან. მაიკ პომპეო თბილისში, ასევე, შეხვდება სრულიად საქართველოს კათოლიკოს-პატრიარქ ილია II-ეს.

ვიზიტის ფარგლებში გამართული შეხვედრებისას მხარეები განიხილავენ საქართველოსა და რეგიონში არსებული უსაფრთხოების გარემოს და ქვეყნებს შორის თანამშრომლობას რეგიონული და საერთაშორისო უსაფრთხოების განმტკიცების მიზნით. მხარეები, ასევე, განიხილავენ საქართველოში მიმდინარე დემოკრატიულ და ეკონომიკურ რეფორმებს.

ამავე თემაზე: