თბილისის საქალაქო სასამართლოში დასაქმებულ რამდენიმე თანამშრომელს Covid19 დაუდასტურდა. ამის შესახებ ინფორმაციას, საქალაქო სასამართო სოციალურ ქსელში ავრცელებს.

სასამართლო მომხმარებელს მიმართავს მაქსიმალურად შეიკავონ თავი ყველა სახის კორესპონდენციის წარმოდგენის მიზნით სასამართლოში ვიზიტისაგან.

"მოვუწოდებთ, სასამართლოს ვიზიტორებს და პროცესის მონაწილე მხარეებს, გამოიჩინონ მაღალი სამოქალაქო პასუხისმგებლობა და გადაუდებელი აუცილებლობის გარდა შეზღუდონ ზემოთხსენებული მიზნით, სასამართლოში ვიზიტები", — ნათქვამია განცხადებაში.

4 ნოემბერს საქართველოში კორონავირუსის 2 295 ახალი შემთხვევა დადასტურდა. გამოჯანმრთელდა — 2 537, გარდაიცვალა — 19.

ქვეყანაში გამოვლენილი კორონავირუსის დადასტურებული შემთხვევების საერთო რაოდენობა 46 817-ია. ჯამში გამოჯანმრთელებულთა რაოდენობა 31 170-მდე გაიზარდა. 2020 წლის 26 თებერვლიდან დღემდე სულ გვაქვს 381 გარდაცვალების შემთხვევა.