პატრიოტთა ალიანსის წევრმა და პარლამენტარმა ადა მარშანიამ ტელეკომპანია TV პირველის საინფორმაციო გამოშვება დღის ამბებში LIBE-ს კომიტეტის მიერ საქართველოსთვის ვიზალიბერალიზაციის მხარდამჭერი გადაწყვეტილების კომენტირებისას, განაცხადა, რომ ეს პროცესი ევროპულ ქვეყნებთან შრომითი ხელშეკრულებების გაფორმებას ითვალისწინებდა, რადგან საქართველოს მოსახლეობას სამუშაო ადგილების მოლოდინი ჰქონდა.

ევროკომუნიკატორი ადა მარშანიას განცხადებას აფასებს და აცხადებს, რომ პარლამენტარი სივრცუეს ავრცელებს.

"აღნიშნული განცხადება მცდარია, რადგან ვიზალიბერალიზაცია არ გულისხმობს ევროპაში სამუშაო მიზნით თავისუფალ მიმოსვლას" - აცხადებს ევროკომუნიკატორი და იმ კატეგორიებზეც ავრცელებს ინფორმაციას, რომლებსაც ევროკავშირთან უვიზო მიმოსლა შეეხებათ.

"იმას, რასაც ელოდება ჩვენი მოსახლეობა, ძირითადად, ალბათ, იცით თქვენ. ცხადია, ევროპაში ეგულებათ სამუშაო ადგილები და აი, ამ მხრივ უხარია ძალიან ბევრ ადამიანს, რომ არ იქნება ვიზით შესვლა ევროპაში, მაგრამ აქ უკვე მეორე პრობლემა დგება, ჩვენს ქვეყანას არცერთ ევროპულ ქვეყანასთან არა აქვს შრომითი ხელშეკრულება დადებული, და ეს იქნება ჩვენი საზრუნავი უახლოეს დროს" - განაცხადა ადა მარშანიამ 12 იანვარს.

ევროკომუნიკატორის მისია მითების მსხვრევა და ევრო-ატლანტიკური ინტეგრაციის შესახებ საზოგადოების ინფორმირებაა.