ტროტუარი, რომელიც ჰოლივუდ ბულვარსა და ვაინ-სტრიტის გასწვრივ მდებარეობს, გასართობი ინდუსტრიის დიდების დარბაზად მიიჩნევა. დიზაინერი ოლივერ ვეისმულერი პროექტის განხორციელებას 1953 წელს შეუდგა. მიზანი ჰოლივუდის სიმბოლოს შექმნა იყო, რომელიც კინოინდუსტრიის ისტორიასა და მიღწევებს აღბეჭდავდა.

ხეივანი 2 500-ზე მეტი ხუთქიმიანი ვარსკვლავით მოჭედილია, რომლებზეც ამოტვიფრულია არა მხოლოდ სახელგანთქმული ადამიანების, არამედ იმ გამოგონილი გმირების სახელებიც, რომლებმაც ჰოლივუდის კომერციული პალატის აღიარება მოიპოვეს.

ჰოლივუდის დიდების ხეივანში ვარსკვლავის გახსნა ბევრისთვის აღიარებისა და წარმატების სიმბოლოა, თუმცა არსებობენ ისეთი მსახიობებიც, რომლებსაც ეს პატივი წილად ჯერ არ ხვდათ ან სულაც, თავად განაცხადეს უარი ამ დაფასებაზე.

კლინტ ისტვუდი

ფოტო: Los Angeles Times

კლინტ ისტვუდისთვის უმნიშვნელო ყოფილა ვარსკვლავის ქონა-არქონა. როგორც დიდების ხეივანის მედიასთან ურთიერთობის სამსახურის უფროსი ანა მარტინესი ამბობს, იმ შემთხვევაში, თუ ისტვუდი აზრს შეიცვლის, მისთვის უკვე გამოყოფილია ადგილი.

ჯულია რობერტსი

ფოტო: TIFF

ჯულია რობერტსი უკვე 25 წელზე მეტია ამერიკის გულთამპყრობელია, თუმცა დიდების ხეივანში ვარსკვლავი არ აქვს. მსახიობი თვლის, რომ მას არ სჭირდება ეს სტატუსი და პრინციპში მართალიც არის. ჩვენს გულებში მას უკვე აქვს საკუთარი ვარსკვლავი გახსნილი.

რობერტ დე ნირო და ალ პაჩინო

ფოტო: The Independent

არც ამ ორ მსახიობს აქვს ვარსკვლავი დიდების ხეივანში, თუმცა ამ შემთხვევაში მიზეზი ისაა, რომ ჯერ ხეივანი ამ საკითხით არ დაინტერესებულა.

ანჯელინა ჯოლი და ბრედ პიტი

ფოტო: AMPAS

ვინ იცის, იქნებ განქორწინების შემდეგ სევდის გასაქარწყლებლად მაინც გამოუყონ ადგილი დიდების ხეივანში რომელიმე მათგანს.

ლეონარდო დიკაპრიო

ფოტო: Hollywood Reporter

როგორც ჩანს, ლეონარდომ ოსკარიც უნდა იკმაროს. დიდების ხეივანში მისი რიგი ჯერ არ მოსულა. იმედია, ამ საკითხზე მაინც არ მოუწევს ინტერნეტს ბრძოლა.

რა თქმა უნდა, კარგია, როდესაც შენს საყვარელ მსახიობს დიდების ხეივანში საკუთარი ადგილი აქვს. სხვა თუ არაფერი, თუ ოდესმე ლოს-ანჯელესში მოხვდები, მის ვარსკვლავთან სამახსოვრო ფოტოს მაინც გადაიღებ. თუმცა მთავარი მაინც ხალხის სიყვარულია. ყოველ შემთხვევაში, სწორედ ასე ამბობენ ჰოლივუდის ლეგენდები.