დაავადებათა კონტროლის ეროვნული ცენტრის ხელმძღვანელის განცხადებით, ქვემო ქართლში კორონავირუსის 107 ახალი შემთხვევა ქორწილმა გამოიწვია. მისი თქმით, ერთ-ერთ სოფელში ეპიდაფეთქება მოხდა.

"ეს უკავშირდება ისევ და ისევ დიდ შეკრებებს. იყო საქორწილო სუფრა და ამან გამოიწვია ეპიდაფეთქება ერთ-ერთ სოფელში და შესაბამისად, მისი გავრცელება სასწავლო დაწესებულებებში", — განაცხადა ამირან გამყრელიძემ.

დღეს საქართველოში კორონავირუსის 1 941 ახალი შემთხვევა დადასტურდა, აქედან 107 ქვემო ქართლშია.

მისი თქმით, პანდემია კიდევ დიდხანს იქნება და მოქალაქეებს მოუწევთ მასთან ერთად ცხოვრება, შესაბამისი რეგულაციების დაცვით.