ევროპული საქართველოს ლიდერმა, დავით ბაქრაძემ, ქობულეთის მოსახლეობას პარტიის მაჟორიტარი დეპუტატობიდ კანდიდატი, ირინა აფხაზავა წარუდგინა.

დავით ბაქრაძემ და ირინა აფხაზავამ მოსახლეობის პრობლემები მოისმინეს და მათ გარდამტეხი ცვლილებების გეგმა გააცნეს.

ბაქრაძის თქმით, იმ უიმედობას, უპერსპექტივობას, სიღარიბესა და გაჭირვებას, რომელიც ქობულეთშია, აუცილებლად დაასრულებს 31 ოქტომბრის არჩევნები.

"ქობულეთი არის მაგალითი იმის, რამდენად მნიშვნელოვანია ევროპული საქართველოს ვალდებულება, შეამციროს გადასახადები და საგადასახადო შეღავათები მისცეს მცირე ბიზნესს. აქ, ამ ქალაქში, პრაქტიკულად მთელი მცირე ბიზნესი, მცირე სასტუმრო არის გაჩერებული. ადამიანები დარჩნენ შემოსავლევის გარეშე, კრედიტებით და ვალებით და ამიტომ, მეტი თანხა და სამუშაო ადგილი ბიზნესს და ნაკლები გადასახადი და ფული მთავრობას.

ეს არის ის ერთ-ერთი გარდამტეხი ცვლილება, რასაც ჩვენ ვთავაზობთ მოსახლეობას ეკონომიკური კრიზისიდან გამოსასვლელად და 31 ოქტომბრის არჩევნები გახლავთ სწორედ ის დღე, რომელმაც უნდა მოიტანოს კრიზისიდან გამოსვლა, წინსვლა და გარდამტეხი ცვლილებები ჩვენი ქვეყნისთვის", — განაცხადა დავით ბაქრაძემ.

ირინა აფხაზავას თქმით, ევროპული საქართველოს გეგმა აუცილებლად მოუტანს ქობულეთს ახალ შესაძლებლობებს.

"მნიშვნელოვანი გავითავისოთ, რომ არ არის გვიანი გარდამტეხი ცვლილებებისათვის. იმისათვის, რომ უარი ვუთხრათ წარსულს და დღევანდელობას. 31 ოქტომბრიდან, ერთად მივმართოთ კომპასი იმ გარდამტეხი ცვლილებებისათვის, რაც მოუტანს თითოეულ მოქალაქეს გაორმაგებულ პენსიას, გაორმაგებულ სოციალურ დახმარებას, უსაფრთხოება და მეტ კეთილდღეობას", — განაცხადა ირინა აფხაზავამ.